ರುಯಾ ಕುಟುಂಬದ Essar Steel ಒಂದು ಕಾಲದಲ್ಲಿ ಭಾರತದ ಪ್ರಮುಖ ಖಾಸಗಿ ಉಕ್ಕು ಕಂಪೆನಿಯಾಗಿತ್ತು. ಆದರೆ ಭಾರಿ ಸಾಲದ ಒತ್ತಡದಿಂದ 2017ರಲ್ಲಿ ಕಂಪೆನಿ ದಿವಾಳಿ ಪ್ರಕ್ರಿಯೆಗೆ ಒಳಪಟ್ಟಿತು. ಸಾಲದಾತರ ಸುಮಾರು ₹49,000 ಕೋಟಿಯ ಕ್ಲೇಮ್‌ಗಳ ಬಳಿಕ 2019ರಲ್ಲಿ Essar Steel ಅನ್ನು ArcelorMittal–Nippon Steel ಸ್ವಾಧೀನಪಡಿಸಿಕೊಂಡಿತು.
ಈಗ ಅದೇ ರುಯಾ ಕುಟುಂಬ ಅಮೆರಿಕದಲ್ಲಿ ಹೊಸ ಉಕ್ಕಿನ ಅಧ್ಯಾಯ ಆರಂಭಿಸುತ್ತಿದೆ. Iowaದಲ್ಲಿ ಉಕ್ಕಿನ ಕಾರ್ಖಾನೆ ಸ್ಥಾಪಿಸಲು ಸುಮಾರು $15 ಬಿಲಿಯನ್ (₹1.44 ಲಕ್ಷ ಕೋಟಿ) ಹೂಡಿಕೆ ಮಾಡುವ ಯೋಜನೆ ಘೋಷಿಸಲಾಗಿದೆ. Minnesotaದ ಗಣಿಗಾರಿಕೆ ಯೋಜನೆಯನ್ನೂ ಸೇರಿಸಿದರೆ ಅಮೆರಿಕದ ಒಟ್ಟು ಹೂಡಿಕೆ ಸುಮಾರು $18 ಬಿಲಿಯನ್ (₹1.73 ಲಕ್ಷ ಕೋಟಿ) ಎಂದು ಕಂಪೆನಿ ಹೇಳಿದೆ.
ಹೀಗಾಗಿ ಇದು ಕೇವಲ ಮತ್ತೊಂದು ವಿದೇಶಿ ಹೂಡಿಕೆಯ ಕಥೆಯಲ್ಲ. ಭಾರತದಲ್ಲಿ ಭಾರೀ ಸಾಲದ ಸಂಕಷ್ಟದಿಂದ ಉಕ್ಕಿನ ವ್ಯವಹಾರ ಕೈತಪ್ಪಿದ ಕುಟುಂಬ, ಇದೀಗ ಅಮೆರಿಕದಲ್ಲಿ ಅದಕ್ಕಿಂತಲೂ ದೊಡ್ಡ ಮೊತ್ತದೊಂದಿಗೆ ಮತ್ತೆ ಉಕ್ಕಿನ ಸಾಮ್ರಾಜ್ಯ ಕಟ್ಟಲು ಹೊರಟಿದೆ.