ರಾಜ್ಯ ಸರ್ಕಾರವು ಈಗಾಗಲೇ ಅಧಿಕೃತ ಪ್ರಕಟಣೆ ಮತ್ತು ರಾಜ್ಯ ಮಟ್ಟದ ಬ್ಯಾಂಕರ್‌ ಸಭೆಯಲ್ಲಿ ಚರ್ಚಿಸಿ ಬರಪೀಡಿತ ತಾಲೂಕುಗಳ ರೈತರ ಸಾಲವನ್ನು ಕಡ್ಡಾಯ ವಸೂತಿಯಲ್ಲಿ ಪರಿಗಣಿಸಬಾರದು. ಬರ ಸ್ಥಿತಿಯ ಅನುಸಾರ ಹೆಚ್ಚಿನ ಕಾಲಾವಕಾಶನೀಡಬೇಕು. ಆರಂಭಿಕ ಮರುಪಾವತಿ ತಡೆ 1 ವರ್ಷ ಮತ್ತು ಇವುಗಳಲ್ಲಿ KCC, ಬೆಳೆಸಾಲ, ಕೃಷಿಸಾಲ ಮತ್ತು ಹೈನುಗಾರಿಕೆ, ರೇಷ್ಮೆ, ಮೀನುಗಾರಿಕೆ ಮುಂತಾದ ಕೃಷಿ ಸಂಬಂಧಿತ ಸಾಲಗಳು ಒಳಗೊಂಡಿವೆ. ಯಾವುದೇ ಕಾರಣಕ್ಕೂ ಕಡ್ಡಾಯ ವಸೂಲಿಯಾಗಿ ಪರಿಗಣಿಸಬಾರದೆಂದು ಬ್ಯಾಂಕುಗಳಿಗೆ ಸೂಚಿಸಿವೆ.
ಕರ್ನಾಟಕ ರಾಜ್ಯಮಟ್ಟದ ಬ್ಯಾಂಕರ್‌ಗಳ ಸಮಿತಿಯ ಅಧಿಕೃತ ವೆಬ್‌ಸೈಟ್‌ನಲ್ಲಿ 2026ರ ಸೆಪ್ಟೆಂಬರ್ 10ರ 177ನೇ ವಿಶೇಷ SLBC ಸಭೆಯ ನಡಾವಳಿಯಲ್ಲೂ ಇದನ್ನು ಪ್ರಕಟಿಸಿದೆ. ಆದರೆ ಸಣ್ಣ ಮತ್ತು ಅತಿ ಸಣ್ಣ ರೈತರು ತಮ್ಮ ಸಾಲವನ್ನು ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರಸಂಘಗಳಲ್ಲಿ ಪಡೆದಿದ್ದು ಈ ಸಾಲದ ಬಗ್ಗೆ ಸರ್ಕಾರ ಯಾವುದೇ ಪ್ರತ್ಯೇಕ ಸ್ಪಷ್ಟೀಕರಣ ನೀಡಿಲ್ಲ.
ಸೆ.17ರಂದು ನಡೆದ ಬ್ಯಾಂಕರ್‌ ಸಭೆಯಲ್ಲಿ ಸರ್ಕಾರದ ಮುಖ್ಯಕಾರ್ಯದರ್ಶಿಯವರು ನಬಾರ್ಡ್‌ ಮತ್ತು ಸರ್ಕಾರದೊಂದಿಗೆ ಇನ್ನೊಂದು ಸುತ್ತಿನ ಚರ್ಚೆಯ ಬಗ್ಗೆ ಪ್ರಸ್ತಾಪಿಸಿದ್ದಾರೆ. ಮತ್ತು ಬರ ಘೋಷಣೆಯಾದ 45ದಿನಗಳ ಒಳಗಾಗಿ ಬರ ಪರಿಹಾರದ ಪ್ಯಾಕೇಜ್‌ ಜಾರಿಗೊಳಿಸಲು ಕೋರಿದ್ದಾರೆ. ಜ.9ರೊಳಗೆ ಅದನ್ನು ಪೂರ್ಣಗೊಳಿಸಲೂ ತಿಳಿಸಿದ್ದಾರೆ.
ಆದರೆ ಅಪೆಕ್ಸ್‌ ಬ್ಯಾಂಕುಕೂಡಾ ರಾಜ್ಯಮಟ್ಟದ ಬ್ಯಾಂಕರ್‌ಗಳ ಸಮಿತಿಒಳಗೆ ಒಳಗೊಂಡಿದ್ದು ಅದರನ್ವಯ ಯಾವುದೇ ಪ್ರತ್ಯೇಕ ಸುತ್ತೋಲೆಗಳಿನ್ನೂ ಪ್ರಾಥಮಿಕ ಸಹಕಾರ ಸಂಘಗಳನ್ನು ತಲುಪಿಲ್ಲ. ಸಹಕಾರ ಇಲಾಖೆಯ ಅಧಿಕೃತ ಮಾಹಿತಿಯೂ ಹೊರಬಿದ್ದಿಲ್ಲ. ಹೀಗಿರುವಾತ ರೈತರ ಬೆಳೆಸಾಲದ ಮರುಪಾವತಿ ಅವಧಿ ಮುಂಡೂಡಿಕೆ ಗೊಂದಲದಲ್ಲೇ ಇದೆ. ಕಡ್ಡಾಯ ವಸೂಲಿಯಲ್ಲಿ ಪರಿಗಣಿಸಬಾರದೆಂಬ ಆದೇಶವೂ ಇದೆ. ಇಷ್ಟೆಲ್ಲಾ ಇದ್ದರೂ ಅಧಿಕೃತ ಸ್ಪಷ್ಟನೆ, ಸುತ್ತೋಲೆ ಹೊರಡಿಸದೇ ಕೊನೆ ಕ್ಷಣದಲ್ಲಿ ರೈತರನ್ನು ಹೈರಾಣಾಗಿಸುವ ಬದಲು ಸರ್ಕಾರ ಈ ಕುರಿತ ಅಧಿಕೃತ ಮಾಹಿತಿ ಹೊರಡಿಸಬೇಕಿದೆ ಎಂಬುದು ಅನೇಕ ರೈತರ ಒತ್ತಾಯವಾಗಿದೆ.
As an Amazon Associate I earn from qualifying purchases.